Netanyahu Batı Şeria hücumlarını qınayıb

Anadolu Agentliyi yazır ki, İsrail Baş naziri Binyamin Netanyahu Batı Şeriadakı üç kəndə gecə saatlarında edilən hücumları pisləyib.

Netanyahu bildirib ki, hücum edən azsaylı qruplar Yahuda və Samariyada qanunlara əməl edən yəhudi icmasını təmsil etmir.

Filistin torpaqlarını işğal edən İsraillilər Nablusun Calut kəndində, Karyut kəndində və Ramallahın şimalındakı Muğayyir kəndində evlərə basqın edib, ev və avtomobilləri yandırıblar.

Filistinli yaşlı qadın Karyutda hücuma məruz qalıb, Muğayyir kəndində isə üç ev, o cümlədən sabiq məhbus Fikri Musa Ebu Aliyanın evi yanıb, altı avtomobildən üçü tamamilə yanıb.

2023-cü ilin oktyabrından bəri İsrailin Qəzza zolağına hücumu ilə bağlı işğal altındakı Batı Şeria və Şərqi Qüdsdə Filistinlilərə qarşı hücum və basqınlarda artım müşahidə olunur.

Bu hücumlar nəticəsində Filistinlilər həbs edilir, evlər yıxılır, məscidlər və nəqliyyat vasitələri yandırılır, əkin sahələri dağıdılır və Filistinlilərin torpaqlarına giriş məhdudlaşdırılır.