Nestlé Rusiyadakı biznesinin hüquqlarını müdafiə edir

News.ru yazır ki, Nestlé Rusiyadakı aktivlərini şirkətin nəzarətinə qaytarmaq niyyətini açıqlayıb. Bu barədə İsveçrədə yerləşən şirkətin mətbuat xidməti məlumat verib.

Şirkətlə birgə İsveçrə hökuməti öz səlahiyyətləri çərçivəsində Nestləyə hüquqlarını müdafiə etməkdə kömək etməyi planlaşdırır. İsveçrənin İqtisadiyyat üzrə Dövlət katibliyi (SECO) və Xarici İşlər Nazirliyi Nestlənin mövqeyini dəstəkləmək üçün diplomatik əlaqələri genişləndirir.

Hazırda vəziyyət təhlil olunur və əsas məqsəd Rusiyada Nestlé-nin müəssisələrinin müvəqqəti idarəçiliyə verilməsi qərarını ləğv etməkdir. İsveçrə qurumları məsələ ilə bağlı əlavə təfərrüatları açıqlamır.

Rusiya prezidenti Vladimir Putin sentyabrın 17-də Nestlé-nin Rusiyadakı aktivlərini "L.E.V. Menecment" adlı şirkətin müvəqqəti idarəsinə keçirmək barədə fərman imzalayıb. Bu idarəetməni sentyabr 2023-dən həmin şirkətin baş direktoru Yevgeni Ponomaryov həyata keçirir.

"L.E.V. Menecment"in adı altında olan işlərə "Nestlé Rusiya" və "Nestlé Kuban" şirkətləri daxildir.