Axiom Space və "Prada" şirkətinin birgə əməkdaşlığı nəticəsində yaradılan Axiom Extravehicular Mobility Unit (AxEMU) kosmik geyimi artıq tanınır. İndi isə şirkət astronavtların bu geyimin altında geyinəcəyi Soyuq Su Soyutma və Ventilyasiya Geyimi (LCVG) təqdim edib, hansını ki, "Artemis IV" missiyası zamanı 2028-ci ildə Ay səthinə enişdə istifadə ediləcək.

LCVG astronavtların AxEMU içərisində və kosmosda gəzişən zaman sərin və rahat qalmasını təmin edən əsas təbəqədir. Geyim daxilində yerləşdirilmiş borular vasitəsilə soyuq su dövr etdirilir ki, bu da astronavtların bədənindən istiliyi uzaqlaşdırır. Əsas sistem sıradan çıxdıqda isə əlavə ehtiyat mexanizm mövcuddur, bu isə əvvəlki soyutma geyimlərində olmayan xüsusiyyətdir. LCVG həmçinin AxEMU kaskına təmiz oksigen verən ventilyasiya sistemini daşıyır və nəfəs verilən karbon qazını filtrə yönləndirir ki, o, yenidən istifadə olunsun.

Axiom Space və "Prada"nın birgə layihəsi NASA-nın yüksək texnologiyalı materiallar və istehsal üsullarını yüksək modaya inteqrasiya edən ilk təşəbbüsü deyil. Ötən illərdə NASA MIT professoru Dava Nyuymanın "BioSuit" konseptini dəstəkləyib, hansını ki, məşhur memar Guillermo Trotti ilə birgə hazırlamışdı.