Lukaşenko Belarus Silahlı Qüvvələri Baş Qərargah rəisini dəyişib

Xəbərlərimizi Google-da izləyin

Yeniliklərdən dərhal xəbərdar olun

Belarus Silahlı Qüvvələri Baş Qərargahının yeni rəisi - müdafiə nazirinin birinci müavini təyin edilib.

"Report" BELTA-ya istinadən xəbər verir ki, Belarus Prezidenti Aleksandr Lukaşenko müvafiq fərmanla Vladimir Belını Silahlı Qüvvələrin Baş Qərargah rəisi təyin edib.

Buna qədər Vladimir Belı Belarusun müdafiə nazirinin müavini vəzifəsini tuturdu.

Bundan əvvəl Silahlı Qüvvələrin Baş Qərargah rəisi Pavel Muraveyko idi. Yeni fərmana əsasən, P.Muraveyko Prezident Administrasiyası rəhbərinin müavini təyin edilib.