Küba ABŞ ilə dialoqa açıq olduğunu bildirib

Anadolu Ajansı yazır ki, Küba Xarici İşlər naziri Rodrigenz BMT-nin 81-ci Baş Assambleyasına müraciət edib. O, ABŞ-ın Kübaya qarşı iqtisadi blokadasını "toplu cəzalandırma hərəkəti" adlandırıb və Vaşinqtonun bu siyasətin insani böhran yaratmağı hədəflədiyini bildirib.

Rodrigenz həmçinin ABŞ-ın tətbiq etdiyi sanksiyaların beynəlxalq humanitar hüququ pozduğunu vurğulayıb. O, mübahisələrin dialoq yolu ilə, suallar və şərtlər olmadan, suveren bərabərlik və beynəlxalq hüquqa hörmət əsasında həllinə hazır olduqlarını qeyd edib.

Nazir ABŞ-la ticarət əlaqələrinin və əməkdaşlığın inkişafına da açıq olduqlarını əlavə edib.

Mənbə qeyd edir ki, ABŞ-ın neft blokadası və iqtisadiyyatın əsas sektorlarına tətbiq etdiyi ikincili sanksiyalar Kübanın iqtisadi vəziyyətini daha da pisləşdirir. Ölkədə elektrik kəsintiləri və ictimai nəqliyyatın demək olar tam dayanması səbəbindən vətəndaşlar çətin vəziyyətdədir.

Həmçinin xəstəxanalar yalnız ən lazım olan xidmətləri göstərə bilir, qeyri-rəsmi bazarlarda isə ərzaq və dərman qiymətləri çox yüksəlib.