Kongo Demokratik Respublikasında Ebola xəstələrinin sayı 8 mini keçib

Anadolu Ajansı yazır ki, Kongo Demokratik Respublikası (KDR) Səhiyyə Nazirliyinin məlumatına görə, ölkənin 7 əyalətində 63 bölgədə təsirli olan Ebola epidemiyasında ölüm faizi 48-dən çoxdur.

Bildirilib ki, təsdiqlənmiş xəstə sayı 8 min 67, ölənlərin sayı isə 3 min 901 nəfərdir.

Epidemiya bəzi bölgələrdə yavaşlama əlamətləri göstərir. İturi və Haut-Uele əyalətlərində təsdiqlənmiş xəstə sayı azalır, lakin xəstəlik digər bölgələrdə yayılmağa davam edir.

Epidemiya ilə mübarizədə səhiyyə işçilərinin çatışmazlığı, maaş problemlərinə görə baş vermiş tətilər, təhlükəsizlik çətinlikləri və əhalinin sıx hərəkəti işləri çətinləşdirir.

Ebola virusu ilk dəfə 1976-cı ildə Sudan və KDR-nin eyni vaxtda yayılan epidemiyaları ilə ortaya çıxıb. KDR-də xəstəliyə Ebola çayının adı verilmişdi.

2014-2016-cı illərdə Qərbi Afrikada yayılan epidemiyada 28 mindən çox insan virusa yoluxub, 11 mindən çox şəxs həyatını itirib.

KDR-nin şərqindəki İturi əyalətində mayın 15-də təsdiqlənmiş xəstələr və ölənlərdən sonra ölkədə Ebola epidemiyası elan edilmişdi.

Ümumdünya Səhiyyə Təşkilatı (ÜST) bildirir ki, yüksək ölüm faizi xəstəliyin vaxtında aşkar olunmaması və xəstələrin erkən səhiyyə yardımı ala bilməməsi ilə bağlıdır.