Kiyevdə Rusiya dronunun düşməsi nəticəsində xəsarət alanların sayı 7-yə çatıb

15 oktyabrda Kiyevdə Rusiya dronunun düşməsi nəticəsində xəsarət alanların sayı 7-yə çatıb, onların 3-ü xəstəxanadadır.

Məlumatı paytaxt meri Vitali Kliçko sosial şəbəkələrdə verib.

"Pçərski rayonda yaşayış binalarının arasında düşmənin pilotsuz uçan aparatı nəticəsində artıq 7 nəfər xəsarət alıb", – deyə o bildirib.

Meri qeyd edib ki, xəsarət alanlardan üçü şəhər xəstəxanalarında yatarkən, digərinə tibb işçiləri yerində və ambulator yardım göstərib.

Pçərski rayonda düşmənin pilotsuz uçan aparatı 5 mərtəbəli yaşayış binasının yaxınlığındakı açıq əraziyə düşüb. Binanın fasadı, damının bir hissəsi və pəncərələrin şüşələri zədələnib. Həmçinin yaxınlıqdakı iki üçmərtəbəli yaşayış binasının fasadları da zədələnib. Həyətdə avtomobil yanıb.

Səhər saatlarında 6 nəfərin xəsarət aldığı məlum idi.