Kiyevdə raket zərbəsi zamanı 15 nəfər, o cümlədən 2 uşaq xəsarət alıb

22 oktyabr gecəsi Kiyevə raket zərbəsi endirildiyi nəticəsində 15 nəfər, o cümlədən iki uşaq xəsarət alıb.

Məlumatı Kiyev meri Vitali Kliçko verib.

"22 oktyabr gecəsi düşmən zərbəsi nəticəsində paytaxtda 15 nəfər xəsarət alıb. Onlar arasında 15 yaşlı iki uşaq da var", – deyə Kliçko bildirib.

Xəsarət alan 8 nəfər şəhərin xəstəxanalarında müalicə alır.

22 oktyabr gecəsi ruslar Kiyevə ballistik raketlərlə hücum edib. Peçerski rayonunda təcili yardım stansiyası zərər görüb, Cənub körpüsündə isə metro infrastrukturu zədələnib. Nəticədə avtomobil hərəkəti qismən məhdudlaşdırılıb.