Kiyevdə ödəniş sistemində məhdudiyyətlər yarana bilər

Ukrainskaya Pravda yazır ki, Kiyevdə texniki işlər 29 sentyabr saat 22:00-dan başlayaraq, 30 sentyabrın birinci yarısına qədər davam edəcək.

Kiyev şəhər administrasiyasının məlumatına görə, bu müddət ərzində xüsusilə ictimai nəqliyyat ödənişi üçün istifadə olunan rəqəmsal xidmətlərdə müvəqqəti problemlər yaşana bilər.

Texniki işlərə səbəb kimi düşmənin data mərkəzlərinə davamlı hücumları göstərilib.

Yolçulara tövsiyə edilir ki, ödənişlərini bank kartları ilə etsinlər. Bank kartı yoxdursa, 22:00-dək gərəkli sayda gediş haqqını əvvəlcədən almalıdırlar.

Əvvəlcədən alınmış gedişlər texniki işlər vaxtı və ondan sonrakı dövrdə istifadə oluna bilər. Lakin texniki işlər zamanı alınan gedişlər müvəqqəti təsdiqlənməyəcək, onları xidmət bərpa olunandan sonra istifadə etmək mümkün olacaq.

Kiyev şəhər administrasiyası bildirir ki, yaranan fasilələr müvəqqətidir və mütəxəssislər xidmətlərin stabilliyini bərpa etmək üçün çalışacaq. Onlar yaranan narahatlığa görə üzr istəyirlər.