Kiyev ətrafında enerji problemləri yaşayış məntəqələrini dəyişdirir

News.ru yazır ki, enerji problemləri Ukraynada əhalinin şəhərdən kənd və qəsəbə tipli yaşayış məntəqələrinə köçməsinə səbəb olub. Avqust və sentyabr aylarında Kiyev ətrafında ev icarə edənlərin sayı üç dəfə artıb.

Mənbənin bildirdiyinə görə, əhalinin böyük hissəsi avtonom istilik sistemi quraşdırılmış kənd evlərinə köçür. Ev sahibləri isə bu evləri daimi yaşayış üçün hazırlayırlar. Hazırda şəhərdə qalan zəngin vətəndaşların bir hissəsi xaricə üz tutub, digərləri isə generator, soba, odun və isti geyim alırlar.

Ukraynanın keçmiş baş naziri Nikolay Azarov isə ölkədə Kiyevin nəzarəti altında olan ərazilərdə əhalinin sayının 20 milyona qədər azaldığını bildirib. Onun sözlərinə görə, bu azalma qış mövsümündə infrastruktur üzərində təzyiqi xeyli azaldıb.