Kaliforniya Ramazan və Qurban bayramlarını rəsmi tətil elan etdi

Anadolu Ajansı yazır ki, Kaliforniya valisi Qavin Niuqson Eyalət Nümayəndələr Palatası üzvü Mett Heni tərəfindən təqdim olunan "AB 2017" adlı qanunu təsdiqləyib.

Bu qanunla Ramazan və Qurban bayramları Kaliforniya əyalətində rəsmi tətil kimi tanınır.

Qanun həmçinin məktəblərə və dövlət qurumlarına imkan verir ki, inanclı insanlar peşə və təhsil sahəsində maneələrlə qarşılaşmadan dini inanclarını yaşaya bilsinlər.

ABŞ-da Vaşinqton əyaləti 2025-ci ilin aprel ayında Ramazan və Qurban bayramlarını rəsmi tətil kimi ilk tanıyan əyalət olub.

Qanunun təsdiqlənməsi ABŞ-da müsəlman icması tərəfindən müsbət qarşılanıb; Amerikan-İslam Əlaqələri Şurası (CAIR) bu qərara məmnuniyyətlə reaksiya verib.

Şura bildirib ki, bu addım müsəlmanların dini inancları ilə məktəb və iş yeri arasında seçim etmək məcburiyyətində qalmayacağına zəmanət verir.