İzmir Bayraklı bələdiyyəsində rüşvət əməliyyatında 45 nəfər saxlanıldı

Anadolu Ajansı yazır ki, İzmir Cumhuriyyət Baş Prokurorluğu və İl Polis İdarəsinin Maliyyə Cinayətləri və Kəşfiyyat şöbələri birgə əməliyyat həyata keçirib.

Tədqiqat Bayraklı bələdiyyəsinin əvvəlki sədri Serdar Sandalın rəhbərlik etdiyi şəbəkəyə yönəlib və "cinayət təşkilatı qurmaq", "rüşvət" və "tenderdə saxtakarlıq" ittihamları ilə bağlı dəlillər toplanıb.

Prokurorluğun məlumatına görə, Sayıştay və Maliyyə Nəzarəti Qurumu hesabatları, texniki və fiziki araşdırmalar, eləcə də əldə olunan digər sənədlər əsasında Bayraklı bələdiyyəsi və əlaqəli şirkətlərin keçmiş rəhbərləri, işçiləri və şirkət sahibləri daxil olmaqla 48 nəfər barədə saxlanma qərarı verilib.

Bu gün keçirilən koordinasiya əsasında eyni vaxtda həyata keçirilən əməliyyatda 45 şübhəli saxlanılıb. Digər şübhəlilərin tutulması və axtarış əməliyyatları davam edir.