İstanbuldakı əməliyyatda 6 terror şübhəlisi tutulub

Anadolu Ajansı yazır ki, İstanbul Emniyyət Müdürlüğünün Terrorla Mübarizə Şöbəsi qanunsuzluğa qarşı əməliyyat təşkil edib.

Tədbir terrorizmin maliyyələşdirilməsinin qarşısının alınmasına dair qanunu pozan və silahlı terror təşkilatına üzv olmaqda şübhəli bilinən şəxslərə yönəlib.

Polislərin araşdırmaları zamanı MASAK tərəfindən yoxlanılan hesablarda DEAŞ və münaqişə bölgələri ilə əlaqəsi olan şəxslərə çoxsaylı maliyyə köçürmələri həyata keçirildiyi müəyyən edilib.

Əməliyyat zamanı müəyyənləşdirilən ünvanlara eyni anda reyd edilərək 6 şəxs saxlanılıb.

Axtarışlarda 13 min dollar, çoxlu sayda elektron avadanlıq və təşkilati sənədlər tapılıb.

Şübhəlilər polis idarəsinə aparılıb, əlavə araşdırmalar davam edir.