İsrail hücumunda bir ayağını itirən Salih futboldan ayrıla bilmir

Anadolu Ajansı yazır ki, İsrail hücumundan sonra bacağını itirən və bədəninin başqa bölgələrində də xəsarət alan 13 yaşlı Salih hərəkət etməkdə çətinlik çəkir və gündəlik həyatda protezdən istifadə edir.

Uşaq yaşlarından futbol oynayan Salih üçün ayağını itirmək təkcə hərəkət qabiliyyətinə deyil, həm də dostları ilə keçirdiyi zamanlara və sevdiyi məşğuliyyətə təsir edib.

Bədənin fiziki məhdudiyyətlərinə baxmayaraq Salih protezlə hərəkət edərək imkan tapdıqca dostları ilə futbol oynayır. O, futbol sahəsində əvvəlki kimi asan qaça bilməsə də, futbola davam etmək istəyir.

Salih əl istehsalı protezlə daha diqqətli hərəkət etmək məcburiyyətindədir və daha yaxşı protezə sahib olub futbol bacarığını inkişaf etdirməyi arzu edir.

Salihin atası Əhməd Həmid isə oğlunun hücumdan öncə məktəbə getdiyini, dostları ilə oynadığını, ancaq indi hərəkətdə çətinlik çəkdiyini bildirib. O, oğlunun daha yaxşı protezə ehtiyacı olduğunu qeyd edib.

BMT-nin Uşaq Fondunun məlumatına görə, Qəzzədə 11 mindən çox uşaq ciddi xəsarətlər səbəbilə uzunmüddətli tibbi baxıma ehtiyac duyur. ÜST isə 2023-cü ilin oktyabrından bəri bu bölgədə 5 mindən çox insanın əzalarını itirdiyini qeyd edir.