İspaniyada illik inflyasiya 5 faizə yüksəldi

Anadolu Ajansı yazır ki, İspaniya Milli Statistika İnstitutu sentyabr ayına dair Avropa İttifaqı standartlarına uyğun İstehlak Qiymətləri İndeksinin ilkin göstəricilərini açıqlayıb.

Ölkədə illik inflyasiya iyulda 3,9 faiz, avqustda isə 4,6 faiz olub. Sentyabrda bu göstərici 5 faizə yüksələrək fevral 2023-dən bəri ən yüksək səviyyəyə çatıb.

Aylıq müqayisədə isə istehlak qiymətləri sentyabrda avqusta nisbətən 0,6 faiz artıb. Bu, gözləntilərə uyğundur; avqustda isə aylıq inflyasiya 0,7 faiz olub.

İnflyasiyanın yüksəlməsində əsas səbəb enerji qiymətlərindəki artımdır. Orta Şərqdə baş verən münaqişələr səbəbindən neft qiymətləri yüksək qalır. Əvvəlki ilin eyni dövründə azalan yanacaq qiymətləri bu il sentyabrda kəskin artıb.

Bundan əlavə, fəal keçən turizm mövsümü paket turların qiymətlərindəki azalmanı digər illərin sentyabr ayları ilə müqayisədə daha az səviyyədə saxlayıb, bu da inflyasiyanı artırıb.

İspaniyanın iqtisadi göstəriciləri Avrozonanın ümumi səviyyəsindən güclü olsa da, ölkənin inflyasiya səviyyəsi Avrozonada avqust ayında 3,2 faiz olan göstəricidən yüksəkdir.

Sentyabrda 5 faizə çatan inflyasiya Avropa Mərkəzi Bankının orta müddətli 2 faizlik hədəfin çox üstündədir. Bu vəziyyət ECB-ə faiz artımı təzyiqini artırır.