İspaniya mənzil böhranına qarşı yeni tədbirlər qəbul etdi

Deutsche Welle yazır ki, İspaniyanın koalisiya hökuməti ölkədə mənzil böhranının dərinləşməsindən sonra yeni tədbirlər barədə razılığa gəlib.

Bu qərarlar arasında 2030-cu ilədək mənzil boşaldılmasına yasaq, qısamüddətli kirayə ilə bağlı qaydaların sərtləşdirilməsi və mövcud icarə müqavilələrinin müddətinin iki il uzadılması var.

Sağlamlıq naziri Monica Qarsiya bildirib ki, hökumət spekulyativ mənzil bazarına müdaxilə etməli və vətəndaşlarla investisiya fondları arasında tarazlığı bərpa etməlidir.

İspaniya Baş naziri Pedro Sançesin rəhbərlik etdiyi hökumət bu qərarları təsdiqləsə də, parlamentdə səsvermə hələ keçirilməyib. Sançes iqtidarda azlıq vəziyyətində olduğundan bir neçə partiyanın dəstəyindən asılıdır.

Mənzil problemi, xüsusilə 87 yaşlı pensiyaçının Madridin Retiro rayonunda mənzilindən zorla çıxarılması ilə gündəmə gəlib. Marikarmen adlanan bu qadının çıxarılması ölkə boyu etirazlara səbəb olub.

Marikarmenin vəkili Beatrisa Duro deyib ki, sosial etirazların nəticəsi olaraq müştərisi evinə qayıda biləcək. Vəkil bu razılaşmanın mənzil böhranında yeni yanaşmanın başlanğıcı ola biləcəyini vurğulayıb.