İrlandiya klubları İsrail matçını boykot edir

Al Jazeera yazır ki, İrlandiyanın Dublindəki Peadar Browns pubı və digər 140-dan çox məkan bu gün İsrailə qarşı keçiriləcək yoldaşlıq oyununun yayımlanmasından imtina edib. Pubun sahibi Aidan Brown bildirib ki, bu addım İsrailin Qəzzada həyata keçirdiyi etnik təmizləmə siyasətinə etiraz məqsədi daşıyır.

İrlandiya həmişə Fələstin məsələsində möhkəm dəstək göstərən ölkə kimi tanınır. Ölkədə futbol komandası ilə bağlı qərarın ətrafında müzakirələr geniş yayılıb. Ölkənin müxtəlif yerlərində, o cümlədən Derry və Dublin publarında etirazlar və boykot çağırışları səslənir.

İctimai rəy sorğularına görə, İrlandiya futbol azarkeşlərinin 76 faizi və Professional Futbolçular Assosiasiyasının 63 faizi matçın keçirilməsinə qarşıdır. Buna baxmayaraq, İrlandiya Futbol Assosiasiyası (FAI) iyul ayında matçların keçirilməsinə səs verib, bu qərar 75-ə 32 səs nisbəti ilə qəbul olunub.

FAI-nin bu mövqeyi tənqid olunub, bəzi idman rəsmiləri və azarkeşlər hesab edir ki, assosiasiya üzvlərinin 93 faizi ötən noyabrda İsrailin UEFA-dan çıxarılması üçün səs vermişdi. İrlandiya futbolda mənəvi məsələlərin önə çəkildiyi tarixi bir an yaşayır.

Komanda daxilində qarşıdurma da baş verib. Mənbələrə görə, qapıçı Qəvin Bazunu matçda iştirak etməkdən imtina edib, digər oyunçular isə matçı oynamaq qərarı verib. Bu hadisə ölkədə böyük rezonans doğurub.

İrlandiyada yayılmış geniş etirazları nəzərə alan pubların sahibi Aidan Brown futbolun önəminin genosid zamanı azaldığını deyib: "Ballar heç bir önəm daşımır. Futbol futboldur, amma genosid gedir."