Hörmüz Boğazında iki petrol tankerinə hücum edildi

Anadolu Agentliyi yazır ki, İngiltərə Dəniz Ticarət Əməliyyatları (UKMTO) Hörmüz Boğazında iki ayrı petrol tankerinin hədəf alındığını təsdiqləyib.

Birinci məlumatda gəminin Hörmüz Boğazına daxil olarkən naməlum mənşəli silah ilə vurulduğu bildirilib.

İkinci məlumatda isə başqa bir petrol tankerinin iskələ tərəfində naməlum silahla vurulduğu vurğulanıb.

Rəsmi açıqlamada hadisənin ölçülərinin araşdırıldığı qeyd olunub, əlavə təfərrüata yer verilməyib.