Hindistanda 600 illik məscidin qismən dağıdılmasına etiraz edilib

Al Jazeera məlumat verir ki, Hindistanın Uccayn şəhərində yüzlərlə müsəlman məscidin qismən dağıdılmasına etiraz ediblər. Müsəlmanlar məscidin 600 ildən çox tarixi olduğunu bildirirlər.

BJP liderliyində olan ştat hökuməti yol genişləndirmə işləri üçün məscidin bir hissəsinin sökülməsinin zəruri olduğunu açıqlayıb.

Bu yol genişləndirmə işləri 2028-ci ildə keçiriləcək hinduların zəvvarlıq yürüşü üçün böyük insan kütləsinin şəhərə gəlməsi ilə əlaqələndirilir.

Etirazlar məscidin tarixi və dini əhəmiyyətinə görə baş verir və tərəflər arasında gərginlik müşahidə olunur.