"Halo" adlı yeni saç texnologiyası şirkəti 7 milyon dollar dəyərində ilkin investisiya dövriyyəsini başlatdı. Burada Alexis Ohanianın "776" fondu başçılıq edir, "Bling Capital" və "AlleyCorp" fondu da iştirak edir.

Şirkətin ilk məhsulu "HaloBraid" avtomatlaşdırılmış hörmə köməkçisidir. O, saç ustaları ilə birgə işləmək üçün nəzərdə tutulub və hörməni ibtidai mərhələdə stilist tərəfindən başladıqdan sonra onu beş dəfə sürətli tamamlayır. Məhsul payızda salonlarda istifadəyə veriləcək.

"Halo"nun qurucusu Yinka Ogunbiyi Harvard Bioengineering məzunudur. O, bu sistemi stilistləri əvəz etmək yox, onlara dəstək vermək üçün yaratdığı və "Halo"nu uzun illər diqqətdən kənarda qalmış sahə üçün infrastruktur kimi təqdim etdiyi barədə danışdı.

"Mən mədəni texnologiya və problemlərin həlli ilə ciddi maraqlanıram, amma ən önəmlisi odur ki, həyatım boyu saçım hörülüb. Hətta minlərlə saatımı saç hörməyə sərf etmişəm və burada gördüklərimizin çoxu həmin təcrübədən ilhamlanıb," deyə Ogunbiyi müsahibəsində qeyd etdi.

“Sistem belə işləyir: hər hörmə əl ilə, stilist tərəfindən başlayır, sonra isə "HaloBraid" bunu tamamlamaqla stilistin işinə uyğunlaşır və beş dəfə sürətli nəticə verir,” deyə o əlavə etdi.

Bu texnologiya sayəsində həm stilistlərin, həm də müştərilərin çətinliklərini azaltmaq hədəflənir. "Minlərlə insanla saç hörmə təcrübələri barədə danışdıq. Hörməyə altı saat vaxt lazımdır və hər altı-səkkiz həftədən bir təkrarlanır. Biznes olaraq böyümək çətindir, çünki gündə yalnız biri-iki müştərini qəbul etmək mümkündür və randevunun nə qədər vaxt aparacağını proqnozlaşdırmaq çətindir. Üstəlik, altı saat stulda oturmaq həm müştərilər, həm də işləyənlər üçün ağrılıdır," dedi Ogunbiyi.

"776" fondunun rəhbəri, Serena Uilyamsın həyat yoldaşı Alexis Ohanian "HaloBraid"ə yatırımı buna görə etdiyini bildirdi: "Mən özüm bu uzun hörmə sessiyalarında qızım və həyat yoldaşıma kömək etməyə çalışmışam. "Halo"nun bu texnologiyanı inkişaf etdirmək üçün aydın strategiyası var idi və bazarda böyük boşluq mövcud idi. Bu, qurucu, məhsul və bazarın uyğunluğu ilə bağlıdır və süni intellekt sayəsində robototexnika daha sürətlə inkişaf edir. Heç kimin bu işə başlamaması təəccüblüdür, amma "Halo" edəcək."

Qurucu Ogunbiyi Ohanianı “arzu olunan investor” kimi təsvir etdi: "O, bu problemin ailəsindəki insanlardan və yaxınlarından irəli gəldiyini bilir, onlar gecələr saçlarını hördürürlər. O, həmçinin məşhur istehlakçı məhsullarında və dərnək şirkətlərində sərmayə qoyub."

Qazandığı vəsaitin böyük hissəsini komandasını artırmağa sərf etməyi planlaşdırır.