Girnədəki gəmı qəzasında bir nəfərin meyiti tapıldı

Hürriyet yazır ki, Kuzey Kıbrıs Türk Cümhuriyyətində 30 Avqust tarixində Girnə yaxınlığında baş verən gəmi qəzası ilə bağlı axtarış işləri davam edir.

Baş Prokurorluq dərinlikdə aparılan axtarışlar zamanı bir nəfərin daha meyitinə çatdıqlarını açıqlayıb. Identifikasiyanın aparılması üçün müvafiq tədbirlər görülür.

Rəsmi açıqlamada bildirilir ki, qəzanın ilk günündən etibarən itkin düşənlərə çatmaq məqsədilə bütün imkanlar səfərbər edilib və həmlələr dayanmadan həyata keçirilir.

Axtarış işləri bütün itkinlər tapılana qədər davam etdiriləcək. Açıqlamada həmçinin qəzada həlak olanlara rəhmət, itkinlərin yaxınlarına isə səbr dilənib.