Fransada liselilərin etirazlarında 10 nəfər yaralandı

Anadolu Ajansı yazır ki, Fransada liselilər təhsil şəraitinin yaxşılaşdırılması üçün başladığı etirazları davam etdirir.

Başlanğıc Paris və ətraf ərazilərdə olub, ancaq ölkə üzrə Lille, Saint-Denis, Rennes və Venissieux kimi şəhərlərə də yayılıb.

Milli Təhsil Nazirliyi məlumat verib ki, etirazlar səbəbindən 300-dən çox məktəddə təhsil fəaliyyəti pozulub.

Əks tədbirlərlə əlaqədar 40 nəfər saxlanılıb, 10 nəfər isə – həm tələbələr, həm də təhsil işçiləri – yaralanıb.

Bir neçə şəhərdə polis ilə liselilər arasında qarşıdurmalar yaşanıb. Lille şəhərində polisin etiraz edən liselilərin üzərinə it buraxması və gözyaşardıcı qazdan istifadə etməsi sosial mediada yayımlanıb.

Lyon, Rennes və Venissieux şəhərlərində məktəb qarşısında havai fişəklər atılıb, çöp qutuları yandırılıb, avtobus dayanacağı və reklam lövhələri zədələnib.