Flydubai təyyarəsində köməkçi pilot kapitana hücum etdi

TASS bildirir ki, Flydubai-nin Dubaydan Təl-Əvivə uçan reysi təhlükəsizlik hadisəsi səbəbindən 30 sentyabrda Tabukda fövqəladə eniş edib.

Hadisə köməkçi pilotun kapitana hücumu ilə baş verib. Hər iki pilot müxtəlif dərəcəli xəsarətlər alıb. Sağlıq vəziyyətləri yaxşılaşdıqdan sonra onlar Əbu-Dabiyə təhlükəsizlik əməkdaşlarının müşayiəti ilə yola salınıb.

ABC News-un məlumatına görə, köməkçi pilot 29 yaşlı Oman vətəndaşı Hamam əl-Hammamidir. 2024-cü ildə onunla bağlı ekstremist materiallar aşkar edilmişdi və o zaman Oman Air-də köməkçi pilot kimi çalışırdı. Bu hadisədən sonra idarəetmədə inzibati vəzifəyə keçmişdi.

Hazırda araşdırma aparılır ki, necə olub Hamam əl-Hammami Flydubai uçuşunda köməkçi pilot kimi iştirak etməyə icazə alıb. Həmçinin, o, istintaqa əməkdaşlıq edir və uçuşun İsraildə qəzaya uğraması niyyətində olduğunu bildirib.

Hadisə yerli hakimiyyət orqanları tərəfindən araşdırılır. O, hazırda Əbu-Dabidə saxlanılır, hadisənin əməliyyat və təhlükəsizlik tədbirləri yenidən nəzərdən keçirilir.