Euractiv yazarı Ukraynanın əlavə maliyyə tələbini şübhə altına aldı

TASS yazır ki, Euractiv-in kolumnisti Tomas Moller-Nilsen Ukraynanın gələcək 27 milyard dollar büdcə defisiti ilə bağlı açıqlamalarını və əlavə maliyyə ehtiyacının zəruriliyini şübhə altına alıb.

Moller-Nilsen qeyd edib ki, bu ilin əvvəlində Ukraynanın aprel ayında pul ehtiyatlarının tükənəcəyi bildiriləndə, bu baş verməyib. Onun sözlərinə görə, Kiyevin həmin dövrdəki davranışı maliyyə çöküşü təhlükəsi ilə üzləşən ölkənin davranışlarına uyğun gəlməyib.

Ukrayna prezidenti Vladimir Zelenski büdcə çatışmazlığının 27 milyard dollar olduğunu açıqlayıb, lakin Moller-Nilsen bu rəqəmlərin etibarlı olmadığını bildirib. O vurğulayıb ki, Avropa Komissiyası və Beynəlxalq Valyuta Fondu (BVF) bu rəqəmləri təsdiqləməyib.

Həmçinin, təxminən 29,5 milyard dollar xarici maliyyənin Ukrayna parlamentinin islahatları qəbul edə bilməməsi səbəbindən bloklandığını diqqətə çatdırıb.

Kolumnist bildirib ki, Kiyevin əlavə maliyyə tələbləri iqtisadi deyil, siyasi məqsədlərlə bağlıdır.