Estoniyada prokreml tərəfdarına 7 il həbs cəzası verildi

Ukrainskaya Pravda yazır ki, Estoniyanın Harju dairə məhkəməsi prokreml tərəfdarı Oleg Besedini ölkənin müstəqilliyi və ərazi bütövlüyünə qarşı fəaliyyətlərdə günahkar bilib. O, beynəlxalq sanksiyaların dəfələrlə pozulmasında da ittiham olunur.

Prokurorluqla razılaşma nəticəsində Besedin 7 il azadlıqdan məhrum edilib, məhkəmə qərarına görə, 11 ay həbsdə keçirdiyi müddət cəzanın hesabına daxil olacaq. Müdafiə tərəfi bildirir ki, Besedin 2,5 ildən sonra şərti azadlığa buraxıla bilər.

Estoniya hökuməti Oleg Besedinin 77 min avro dəyərində əmlakını müsadirə edəcək. Razılaşmaya əsasən, məhkəmə xərcləri üçün təxminən 3 200 avro tutulacaq. Ona həmçinin 2022-ci ilin yanvarın 1-dən sonra müsadirə edilmiş bütün texnika qaytarılacaq və YouTube hesabına yenidən giriş imkanı veriləcək, hesabdan həmin tarixdən sonra yerləşdirilən bütün materiallar silinəcək.

İttihama görə, 52 yaşlı Besedin 2022-ci ilin mayından başlayaraq Rusiyanın maraqları naminə Estoniyaya qarşı dezinformasiya kampaniyalarında iştirak edib. O, Rusiyanın müxtəlif təşkilat və şəxsləri ilə əlaqələr qurmaqda da ittiham olunur.

Besedinin fəaliyyəti Rusiyanın Ukraynaya qarşı müharibəsini əsaslandıran saxta məlumatların yayılmasını və panikanın yaradılmasını, xüsusilə YouTube kanalında yayımlanan materiallarla Estoniya cəmiyyətinin parçalanmasına, dövlət institutlarına inamın sarsıdılmasına və NATO ilə Avropa İttifaqına dəstəyin zəiflədilməsinə yönəlib.

Məhkəmənin məlumatına görə, Besedin Rusiyaya sanksiya tətbiq olunmuş telekanalların yayımını və digər məzmunun sosial media və televiziyada çoxsaylı kanallar vasitəsilə yayılmasına cəlb olunub. O, həmçinin bu materialları digər kanallara ötürməkdə ittiham olunur.

Oleg Besedin, Facebook sosial şəbəkəsində məşhur "Tallinncy" qrupunun yaradıcılarından olub. O, Estoniya Təhlükəsizlik Polisi tərəfindən 2025-ci il noyabrın 4-də Estoniyaya qarşı zorakılıq məqsədi olmayan fəaliyyət və beynəlxalq sanksiyaların pozulması şübhəsi ilə həbs edilib. Latviyada isə prokreml qrup tərəfindən terror aktı hədələri ilə bağlı araşdırma aparılır.