Erdoğan doğurganlıq səviyyəsini artırmaq üçün planlar açıqladı

Anadolu Ajansı yazır ki, TGTV Mütevelli Heyəti Prezidenti və Ailə Festivalı İdarə Heyətinin sədri Necmeddin Bilal Erdoğan "Ailə və Nüfus On İli" çərçivəsində keçirilən AileFest tədbirinin açılışında çıxış edib.

Erdoğan bildirib ki, Türkiyə demoqrafik süqutla üz-üzədir və bunun səbəbi ailə bağlarının və institutunun zəifləməsidir. Onun sözlərinə görə, sadəcə iqtisadi dəstək kifayət etmir, əslində yenidən ailə və cəmiyyət mərkəzli düşüncə tərzinə keçid zəruridir.

Yeni nəsil üçün aparılan araşdırmalarda gənclərin hələ də ailəyə böyük önəm verdiyi və ailənin onların əsas dayağı olduğu qeyd olunub. Erdoğan vurğulayıb ki, bu, hələ də ümid var deməkdir.

Necmeddin Bilal Erdoğan kapitalizmin fərdiliyi artırdığını və bu yanaşmanın ailə dəyərlərini zəiflətdiyini bildirib. Buna görə də 10 illik proqram elan olunub və bütün qurumların ailəyə dəstək olmaq üçün səylərini artırmalı olduğunu qeyd edib.

İlim Yayma Fondunun ailəyə dost yanaşma ilə tələbələrə verilən yüksək təqaüd paketlərini genişləndirdiyi açıqlanıb. Fond evli və uşaqlı tələbələrə əlavə dəstək verir.

Erdoğan həmçinin işəgötürənlərin dövlət təşviqləri ilə "ailəyə dost" müəssisələrə çevrilməsi və kapitalizmin ailəni öncül tutan sistemə çevrilməsi üçün universitetlər, ziyalılar və təşkilatların əməkdaşlığına ehtiyac olduğunu bildirib. O, demoqrafik süqutun səbəblərinin sadə bəhanələr olmadığını, hər kəsin məsuliyyət daşıdığını vurğulayıb və doğurganlıq nisbətinin 1,42-yə düşdüyünü, onu yenidən 1,5 və 2-yə qaldırmaq istədiklərini bildirib.