Rizenin Ardeşen rayonunda 75 yaşlı təqaüdçü Kamal Yakıcının təşəbbüsü ilə 15 il ərzində toplanan əsrlik kənd təsərrüfatı alətləri və antik dəyərə malik tarixi əşyalar evin həyətində yaradılan açıq hava muzeyində sərgilənir.

Ziyarətçilərin gördükləri qarşısında böyük sevinc yaşadığını bildirən Yakıcı deyib: “Gələnlər əvvəllər bilmədikləri əşyaları burada tanıyır və sanki zamanda səyahətə çıxırlar. Ziyarətçilər buradan çox məmnun ayrılırlar”.

İlçəyə bağlı Işıqlı kəndində yaşayan təqaüdçü Kəmal Yakıcı 15 il əvvəl keçmişin izlərini daşıyan əşyaları toplamağa başlayıb. Kənd sakinlərinin də damlarının aralarında və zirzəmilərində saxladıqları tarixi əşyaları gətirməsi ilə Yakıcı evinin həyətini açıq hava muzeyinə çevirib.

Köhnə taxta biçin alətlərindən çevirmə telefonlara, tarixi açarlardan beşiklərə və faks aparatlarına qədər yüzlərlə əsərin yer aldığı həyət muzeyi, görənlərin marağına səbəb olur. Köhnə silahların da sərgiləndiyi həyət, quraşdırılmış texnoloji təhlükəsizlik kameraları ilə anbaan izlənilir.

Muzeyin hər kəsə açıq olduğunu və ziyarətçilərin marağını izah edən Kəmal Yakıcı bildirib: "Buradakı alətləri duyan qonşularımız, tavan arasında heç kimin görmədiyi gizli materialları da gətirib burada sərgiləməmizi təmin etdilər. Gələnlər burada nə axtararsa tapa bilər. Məzəli əşyalar, su dəyirmanı materialları, qarğıdalı ayıklamaq üçün daşdan yonulmuş alətlər var. Hələ elektrik yoxkən köhnə taxta evləri düzəltmək üçün istifadə olunan əl mişarları, çevirməli telefonlar və əl ilə düzəldilmiş rəndələr xüsusilə diqqət çəkir. Görənlər, bilmədikləri şeyləri burada tanıyır və sanki zamanda səyahət edirlər, gələnlər çox xoşbəxt olurlar".

Gözü kimi baxdığı əşyaları texnologiya ilə qoruduğunu qeyd edən Yakıcı, "Buraya təhlükəsizlik kameraları qoymuşam. Cib telefonu ilə getdiyim hər yerdən daima izləyirəm. Yalnız mən deyil, həyat yoldaşım, qonşularımız da ayrı-ayrı izləyirlər. Təqaüdə çıxdığımdan bəri 15 ildir bunları yığıram, 1 ildir də burada müntəzəm olaraq sərgiləyirəm" deyə danışıb.

Kəndlilərdən Nihət Gürsoy da əntiqə əşyaların gün üzünə çıxmasından duyduğu məmnuniyyəti dilə gətirərək, "Kəmal qardaşımız belə gözəl və tarixi şeyləri sərgiləməyə, buranı muzeyə çevirməyə qərar verdi. Biz də ətraf kəndlərdə, köhnə evlərdə nə tapırıqsa toplayıb gətirdik. Maraq doğurması bizi sevindirir. Bu əşyalar anbarlarda, zirzəmilərdə bir kənarda tərk edilmiş halda qalırdı. Onları toplayıb gün üzünə çıxardığımızda burası çox gözəl bir muzey halına gəldi. Kəndimizə belə bir əsər buraxdığı üçün Kəmal qardaşımıza təşəkkür edirik" ifadələrini işlədib.