Donald Tramp Ayovada 15 milyard dollarlıq dəmir zavodu layihəsi açıqlayıb

Al Jazeera yazır ki, ABŞ prezidenti Donald Tramp Minnesota əsaslı dəmir istehsalçısının Ayovada 15 milyard dollar dəyərində dəmir zavodu tikəcəyini açıqlayıb. Layihənin 2030-cu ildə istehsala başlaması gözlənilir və bölgədə 1 700-dən çox yeni iş yerinin açılacağı planlaşdırılır.

Ardıcıl iki mərhələdən ibarət tikinti prosesinin ilk mərhələsi 5 min-6 min arasında inşaat işçi qüvvəsi tələb edir, Ağ Evdən verilən məlumata görə, zavod ildə 7,5 milyon ton istehsal gücünə malik olacaq.

Zavodda Minnesota yaxınlığındakı Mesabi dəmir yatağından hasil olunan dəmir filizi istifadə olunacaq. Bu yatağı Hindistanın Essar Group konsorsiumu 2,5 milyard dollardan çox vəsait yatırmaqla yenidən açıb.

Ağ Ev sözçüsü Taylor Rojers bildirib ki, Tramp ABŞ sənayesini bərpa etmək, istehsalı ölkə daxilinə qaytarmaq və yeni iş yerləri yaratmaq istiqamətində bu hadisənin vacib addım olduğunu vurğulayıb.

ABŞ ticarət naziri Havard Lutnik "232 tarifləri" adlandırılan dəmir və alüminium idxalına tətbiq edilən 50 faiz tariflərin olmaması təqdirdə bu layihələr gerçəkləşməzdi deyib.

Tramp həmçinin ABŞ hökumətinin Yaponiya şirkəti Nippon Steel tərəfindən 2025-ci ildə ələ keçirilən US Steel korporasiyasında "qızıl pay" sahibi olduğunu və bu pay vasitəsilə korporasiya idarə heyətinə üzv təyin etmək hüququnun prezidentdə olduğunu qeyd edib.