Denis Puşilin Kiyevi DNR-nin bərpasını çətinləşdirməkdə günahlandırıb

News.ru yazır ki, Donetsk Xalq Respublikası (DNR) lideri Denis Puşilin Ukraynanı DNR-nin azad edilmiş torpaqlarının bərpasına qarşı sabotajda ittiham edib. Onun sözlərinə görə, Kiyev bu ərazilərdə kommunikasiyaların və həyat sistemlərinin qurulmasını aktiv şəkildə əngəlləyir.

Puşilin bildirib ki, düşmən bərpa işlərini mümkün qədər çətinləşdirmək üçün geniş tədbirlər görür.

Daha əvvəl Puşilin Qərbin terrorizmi yüksək səviyyədə dəstəklədiyini bildirərək, Ukraynalı hərbçilərin adi mağazalardan, o cümlədən uşaqlar üçün nəzərdə tutulmuş oyuncaqlardan partlayıcı qurğular üçün dronlar yığa bildiyini vurğulamışdı.

Eyni zamanda Ukrayna prezidenti Volodimir Zelenski təsdiqləyib ki, ABŞ prezidenti Donald Trampla telefon söhbəti zamanı ona Rusiya neft emalı zavodlarına hücumları dayandırması barədə xahiş gəlib. Lakin Zelenski bu tələbə əməl etməyib.

Prezident əlavə edib ki, yanacaq böhranı əsasən Ormuz boğazının blokadası ilə bağlıdır və Ukrayna Silahlı Qüvvələrinin fəaliyyəti ilə əlaqəsi yoxdur.