Cənubi və Cənub-Şərqi Asiyada şiddətli yağışlar can aldı

Anadolu Ajansı yazır ki, Hindistanın Uttar Pradeş əyalətində üç gündür davam edən şiddətli yağışlar nəticəsində sel fəlakətində 62 nəfər həlak olub, 46 nəfər yaralanıb.

Bölgədə minə yaxın ev zərər görüb və təhsil dayandırılıb, əhali sel olan ərazilərdə səfərdən çəkinməyə çağırılıb.

Nepalda həm dağlıq ərazilərdə çığ düşməsi, həm də su basqınları ilə torpaq sürüşmələri baş verib. Himlung Himal dağında 14 nəfər itkin düşüb, 2 nəfərin meyiti tapılıb, axtarış-xilasetmə işləri davam edir.

Taylandın paytaxtı Bangkokda isə 700 min nəfər təsirlənib, minlərlə sakin təxliyə mərkəzlərinə yerləşdirilib. Şəhərin 50 rayonu fövqəladə vəziyyət zonası elan olunub, suyun boşaldılması mərhələli qaydada davam edir.

Kamboçyada isə güclü daşqınlar 44 minə yaxın ailəni əhatə edib, 3 min 685 ailə yüksəkliklərə köçürülüb, 40 mindən çox ev və 50 min hektar düyü tarlası su altında qalıb.

Taylandlı mütəxəssis Doç. Dr. Ton Tamronqnavasavat atmosferin istiliyinin artması ilə su buxarının təxminən 7 faiz çoxala biləcəyini, bunun fırtına və daşqınların gücünü artırdığını vurğulayıb. O, qlobal istiləşmə şəraitində gözlənilməz hallar ola bilməyəcəyini və təcili hazırlıq görülməsinin vacibliyini bildirib.