Cenevrədə minlərlə şəxs Qəzzədə soyqırımı dayandırmağa çağırıb

Anadolu Ajansı yazır ki, Cenevrədə Mont Blanc Körpüsünün yaxınlığında toplaşan yürüş iştirakçıları Filistin bayraqları ilə şəhər mərkəzində uzun müddət yürüyüş keçirib.

Kütlə ərəb, ingilis və fransız dillərində şüarlar səsləndirib, İsrailin blokadası və hücumlarına etiraz edərək boykot çağırışı edib.

Nümayişçilər həmçinin İsrail və ABŞ-a, eləcə də İsveçrə hökumətinə Qəzzədə baş verən hadisələrdə ümumi məsuliyyət daşıdıqlarına görə sərt etiraz ifadə edib.

İsveçrəli iştirakçı Kristian Boessonnas hökumətin İsrailə münasibətdə hərəkətsizliyini tənqid edib, Qəzzədə yaşananları ifadə etməyə söz tapmadığını vurğulayıb.

Başqa nümayişçi Məva isə Filistinin uzun illərdir işğal edilməsi və öldürülməsinə reaksiya olaraq burada olduğunu deyib. O, Qəzzədəki vəziyyəti soyqırımla müqayisə edib.

Ruben Cafiş isə uşaqların insanlıqdan kənar şəraitdə yaşamaq məcburiyyətində olduğunu və İsrаilə qarşı sistemli hücumların soyqırım olduğunu bildirib.

Yürüş təxminən 2,5 saat davam edib və Plainpalais Meydanında başa çatıb.