Bazar günü səhər saatlarında Rio-de-Janeyro üzərində iki helikopter toqquşaraq şəhərin qərb zonasına düşüb. Hadisə yerində altı nəfər həlak olub, onlardan biri komediyaçı və müğənni Oliver Tree-dir.

Rio-de-Janeyro Hərbi Yanğınsöndürmə Departamenti bildirib ki, helikopterlərdən biri elektrik avtomobillərin saxlandığı avtosalonun üstünə düşüb, yanğın başlayıb və yanğın söndürülüb.

Rəsmi şəxslər qəzaya səbəb olan hadisənin araşdırıldığını açıqlayıb.

Oliver Tree Braziliyada dünya turunda idi, sentyabrda isə Böyük Britaniyaya getməyi planlaşdırırdı. O, qəzaya uğrayan helikopterlərdən birində olub. Polis mənbəsinin AFP-ə verdiyi məlumata görə, bütün sərnişinlər həlak olub.

Müğənni ilə birlikdə sərnişinlər arasında braziliyalı musiqi prodüseri, argentinalı video rejissor və "Gaspi" ləqəbi ilə tanınan argentinalı YouTuber Qaspar Prim də olub.

Yanğınsöndürənlərin açıqlamasına görə, helikopterlər Rio-de-Janeyronun rekreasiya zonası olan Recreio dos Bandeirantes-in qərb hissəsində havada toqquşub və elektrik avtomobillər salonunun dayanacağına düşərək təxminən 20 avtomobili yandırıb.

Helikopterlərdən biri beş nəfər, digəri isə yalnız pilot daşıyırdı. Heç kim sağ qalmayıb.

32 yaşlı Oliver Tree fərqli kəsim saç stili və internet obrazı ilə tanınırdı. Onun "Life Goes On", "Miss You" və "Alien Boy" kimi hitləri var.

Spotify platformasında onun aylıq dinləyici sayı 11 milyondan çoxdur və ən məşhur mahnıları 700 milyondan çox dəfə dinlənilib.