İslam Dövləti terror təşkilatı ilə əlaqəsi olan avstraliyalı qadına Avstraliyaya qayıtmaq üçün icazə verilib. Hökumət ona qarşı cinayət xarakterli qadağa tətbiq etməmək barədə məsləhət alıb.

Ev işləri naziri Toni Burke bildirib ki, qadın ölkəyə çatdıqdan sonra misli görünməmiş təhlükəsizlik nəzarətinə tabe olacaq. Onun hərəkətləri yaxından izlənəcək, mütəmadi olaraq hakimiyyət orqanlarına hesabat verməli olacaq.

Qadın İslam Dövləti yandaşları ilə birlikdə Suriyanın şimalında yerləşən qaçqın düşərgəsindən dönmək istəyən son avstraliyalı qadındır. Daha əvvəl bölgəyə ər və ataları ilə gedən qadın və uşaqlardan ibarət qrupdur.

Burke ABC radiosuna bildirib ki, səfər icazəsi müvəqqəti qadağa qərarının sonuncu mərhələsidir.

Qadının ölkəyə qayıtmasına qoyulan ilkin qadağa Asio tərəfindən verilən məsləhət əsasında tətbiq olunmuşdu.

"Müvəqqəti qadağa icazə verilməyincə qüvvədədir. İcazə istənəndə qanuni olaraq verilmalıdır" – Burke deyib.

O əlavə edib ki, departa­menti, federal polis, Asio və vəkillərlə birgə icazəyə maksimum nəzarət şərtləri qoymaq üçün çalışıblar.

"Dünən son məsləhət alındı ki, ona qarşı qadağa şərti artıq tətbiq olnmaya bilər" – deyə Burke qeyd edib.

Qadın hər zaman evində və ictimaiyyətdə izlənəcək. İcazənin şərtlərinə görə, o, telefon və ya ictimai telefon kimi rabitə vasitəsindən istifadə etməzdən əvvəl 24 saat qabaqcadan xəbər verməli və istifadə səbəbini göstərməlidir.

"Nəzarət və müşahidə çox yüksək səviyyədə olacaq" – nazir bildirib. "Bu, qanuni maksimal həddir və agentliklərimiz buna hazırdır".

Qadının yaxın günlərdə ölkəyə qayıtması ölkədə mübahisələrə və hökumətin bu qrupun ölkəyə dönmə cəhdlərinə münasibətinin tənqidin yenidən yüksəlməsinə səbəb olacaq.

Qadınlar və uşaqlar on ildən çoxdur ki, Orta Şərqdə yaşayırlar; əvvəlcə İslam Dövləti nəzarəti altında, sonra isə xilafətin dağılmasından sonra pis yaşayış şəraitində olan nəzarət düşərgələrində olub.

Bəzi uşaqlar düşərgədə doğulub və Avstraliyada normal həyat yaşamayıblar.

Qrupun üzvləri artıq evə qayıtdıqdan sonra qul ticarəti, terror qruplarına qoşulmaq və insanlıq əleyhinə cinayətlər daxil olmaqla cinayət ittihamları ilə üzləşiblər.