Avropa və Asiya maye təbii qaz uğrunda rəqabətə hazırlaşır

News.ru-nun məlumatına görə, Financial Times-ın analitiklər, enerji şirkətləri rəhbərləri və Gastech konfransı iştirakçılarına istinadən verdiyi xəbərdə Avropa və Asiyanın maye təbii qaz (MTQ) tədarükü üçün qışda rəqabət aparacağı bildirilir.

Asiya alıcıları maye təbii qaz partiyaları üçün Avropadan daha yüksək qiymətlər təklif edir. Bu isə tədarüklərin Asiyaya yönləndiriləcəyi ehtimalını artırır.

MTQ qiymətləri artıq çoxillik maksimuma çatıb və İranla bağlı münaqişədən əvvəlki səviyyədən iki dəfə yüksəkdir. Bu dinamikanın gələcəkdə Ormuz boğazından müntəzəm tədarüklərin bərpası və Şimal yarımkürəsində hava şəraitindən asılı olacağı qeyd edilir.

Asiya ölkələri spot bazara asılılığı azaltmaq üçün uzunmüddətli müqavilələr bağlamağa başlayıb. "Eni"nin qlobal təbii resurslar üzrə əməliyyat direktoru Gvido Brusko deyib ki, Asiya alıcıları zəmanətli həcm üçün əlavə haqq ödəməyə razıdırlar.

Bundan əvvəl Rusiya Dövlət Dumasının Xarici İşlər Komitəsinin sədr müavini Aleksey Çepa Avropada qış mövsümünün qeyri-adi və çətin keçəcəyini vurğulayıb. Onun fikrincə, vəziyyət enerji tədarüklərindən və hava şəraitindən asılı olacaq.

Almaniyanın "Alternativa für Deutschland" partiyasının həmtəsisçisi Tino Krupalla isə bildirib ki, ölkə "Şimal Axını" qaz kəmərlərinin fəaliyyətinin bərpasını və maye qaz qəbul terminallarının ləğvini dəstəkləyir. Onun fikrincə, Almaniyaya əlverişli qaz lazımdır və Rusiyaya qarşı yaxşı münasibət saxlanılmalıdır.