Almaniya XİN rəhbəri Lavrovla görüşə gedib

Almaniya Xarici İşlər Naziri Yohann Vadeful Rusiyanın Xarici İşlər Naziri Sergey Lavrovla görüşünü öz təşəbbüsü ilə yox, həmkarlarının tövsiyəsi ilə təşkil etdiyini açıqlayıb. News.ru yazır ki, bu görüş BMT sammiti çərçivəsində keçirilib.

Vadeful bildirib ki, bir çox həmkarları artıq Lavrovla əlaqə yaratdığından ona da bu istiqamətdə addım atmaq tövsiyə olunub.

Alman nazir görüşün ABŞ-a Rusiyayla əlaqəni tam ötürməmək məqsədilə həyata keçirildiyini bildirib. O, soyuq müharibə dövründə hörmətlə saxlanılan dialoq ənənəsinin bərpasının vacib olduğunu vurğulayıb.

Görüşdən sonra Lavrov Almaniya tərəfinin sadəcə əvvəlcədən məlum olan fikirləri təkrarladığını bildirib və heç bir yeni nəticənin əldə edilmədiyini vurğulayıb.