Almaniya kansleri Merz Kiyevdə əlavə dəstək vəd etdi

Deutsche Welle yazır ki, Almaniya kansleri Fridrix Merz bazar günü səhər Kiyevdə, Ukraynanın paytaxtında olub. O, iqtisadiyyat naziri Katerina Rayxe və digər nüfuzlu alman iqtisadçıları ilə birgə səfərdədir.

Merz Ukraynanın Rusiya ilə davam edən müharibəsində əlavə yardım vəd edir. Almaniya mediasının məlumatına görə, bu yardım paketi çərçivəsində Ukraynaya bir milyard avro hərbi dəstək və enerji sektorunun bərpası üçün 350 milyon avro (təxminən 395 milyon dollar) ayrılacaq.

Habelə kansler yaxın gələcəkdə həm Ukraynada, həm də Almaniyada müdafiə sənayesi üzrə sualtı dronlar və uzaqmənzilli raketlər üçün birgə istehsal planlarını təqdim edəcək.

Merz Kiyevə qatarla gəlib və burada bildirib ki, "Rusiyaya qarşı mübarizə dayandırılmasa, onun müharibə maşını gec-tez bizim üzərimizə çevriləcək".