Aİ yeni dərman sektoruna qaydalar təsdiqlədi

Anadolu Ajansı yazır ki, Aİ Şurası üzv ölkələrin dərman qanunvericiliyində dəyişiklikləri özündə birləşdirən yeni dərman paketini təsdiqləyib. Bu dəyişikliklər dərmanların xəstələrə təhlükəsiz, təsirli və münasib qiymətlərlə çatmasını təmin etməyə yönəlib.

Yeni qaydalara əsasən, dərman şirkətlərinin klinik öncəsi test və araşdırmalar əsasında əldə etdikləri məlumatlar 8 il müddətində qorunacaq. Bu müddət ərzində həmin məlumatlar eyni təsirli generik və ya biobənzər dərmanların icazə sənədlərində istifadə edilə bilməyəcək.

Yeni dərmanlara generik və biobənzər rəqiblərə qarşı 1 illik bazar qoruması veriləcək. Yenilikçilik meyarlarını qarşılayan dərmanlarda bu müddət 1 il artırıla bilər. Müalicə variantı az olan xəstəliklər üçün əlavə 1 il qoruma müddəti təmin oluna bilər. Bu qaydalar çərçivəsində ümumi qoruma müddəti maksimum 11 il təşkil edəcək.

Önəmli antibiotik preparatları inkişaf etdirən şirkətlər əlavə dəstək alacaq və qoruma müddəti 1 il artırılaraq 12 ilə çatacaq. Üzv ölkələr dərmanların xəstələrə kifayət qədər təklif edilməsini tələb edə biləcək.

Generik dərmanların bazara daha sürətli daxil olmasını təmin etmək üçün orijinal dərmanın fikri mülkiyyət qorunması başa çatmamışdan əvvəl test və hazırlıq işlərini apara biləcəklər. Bu da dərhal satışa çıxmaq imkanını artıracaq.