Aİ təhlükəsizlik protokolu layihəsini müzakirə edir

TASS yazır ki, Avropa Komissiyası Avropa İttifaqı ölkələrinə qarşı hər hansı təhdid və ya hücum zamanı aktivləşdiriləcək yeni təhlükəsizlik protokolu təklifi hazırlayıb. Protokol NATO-nun 4-cü maddəsinə bənzər funksiyalar yerinə yetirəcək və cavab tədbirlərinin birgə koordinasiyasına imkan verəcək.

Financial Times xəbər verir ki, bu mexanizm Aİ üzvlərinin təhlükəsizliyi təhdid altında olduqda işə düşəcək. Bununla belə, bəzi Avropa diplomatları protokolun imkanlarından şübhələnir və narahatdırlar ki, bu sistem NATO-nun mövcud mexanizmləri ilə rəqabət edə bilər.

Diplomatik dairələr protokolun qərarqəbuletmə prosesində əlavə və artıq mürəkkəblik yarada biləcəyindən narahatdırlar. Bu səbəbdən yeni təhlükəsizlik mexanizminin funksiyaları və onun NATO ilə əlaqəsi barədə mübahisələr davam edir.