ABŞ Türkiyəyə F-16 təyyarələri təhvil verməyi nəzərdən keçirir

News.ru yazır ki, Ankara ABŞ-ın F-16 təyyarələrinin təhvil verilməsi üzrə konkret addımlar atmasını gözləyir. Türkiyə tərəfi artıq ödənişi edib, amma təyyarələr hələ çatdırılmayıb.

Türkiyə hökumətindəki mənbə agentliyə deyib ki, hazırda danışıqlar davam edir və müsbət nəticə gözlənilir.

Al-Monitor isə xəbər verir ki, Türkiyə və ABŞ F-16 təyyarələrinin təchizatı və modernləşdirilməsi ilə bağlı danışıqları yenidən bərpa ediblər.

Bildirilir ki, tərəflər həmçinin Türkiyənin mövcud F-16 təyyarələrinin Block 70 versiyasına yenilənməsi və əlavə 40 yeni təyyarənin alınması məsələlərini müzakirə edir.