ABŞ-da istehlakçı xərclərinin dəyişməsi əsasən münasib qiymət və məhsul innovasiyası ilə bağlıdır.

Consumer Edge şirkətinin 10 minə yaxın brendi əhatə edən əməliyyat səviyyəsində apardığı araşdırma göstərir ki, ənənəvi moda, lüks və idman ayaqqabısı istehsalçıları ABŞ xərclərindəki ümumi artımla ayaqlaşmaqda çətinlik çəkir və bunun nəticəsində çevik yeni şirkətlər bazarda üstünlük qazanır.

2026-cı ilin Geyim, Aksessuar və Ayaqqabı Hesabatına görə, idman ayaqqabısı sahəsində ənənəvi şirkətlər çevik, birbaşa istehlakçıya yönəlmiş rəqiblərə yer itirir və bu tendensiya ilin ikinci yarısında davam edəcək.

Tez böyüyən brendlər arasında Alo Yoga, Vuori və Quince yer alır. Bu şirkətlər ümumi geyim xərclərinin zəif olduğu şəraitdə belə böyüməsini davam etdirir. Boot Barn şirkəti də qərb və iş geyimi marağı səbəbindən satışlarını artırır.

Consumer Edge-in tədqiqat və bazar kəşfiyyatı üzrə baş vitse-prezidenti Maykl Günther bildirib: “Bir neçə kiçik brend, xüsusilə də Alo ilin ilk beş ayında öz birbaşa istehlakçı seqmentində 3,5 faiz pay artımı ilə keçən ilin eyni dövrünə nisbətən 100 baza baldan çox yüksəlib. Vuori də keçən illə müqayisədə 1,5 faizdən 2 faizə yüksəlib.”

Quince şirkətinin hüquq şöbəsinin rəhbəri Cоel Dion deyib ki, onların məqsədi alıcılara “məhsulun həqiqi maya dəyərini əks etdirən münasib qiymətə yaxşı məhsullar təqdim etməkdir.”

Böyük idman ayaqqabısı istehsalçılarına gəldikdə isə, perspektiv qarışıqdır və kiçik şirkətlər getdikcə irəliləyir.

Avropada idman həyat tərzi məhsullarının satışı çətinləşir, bunun bir səbəbi də paltar ayaqqabısına marağın artmasıdır.

NiKe 30 iyunda dördüncü rüb nəticələrini açıqlayacaq və dönüşün əvvəlcədən proqnozlaşdırılandan gec olacağı gözlənilir. Adidas aşağı profil idman ayaqqabılarının sürətlə artan satışları ilə daha uğurludur.

Consumer Edge hesabatına əsasən, niş seqmentlərə fokuslanmaq tendensiyası diqqət çəkir. Bu, On qaçış brendi, Amer Sportun Arc’teryx texniki performans brendi və Salomon qaçış ayaqqabıları ilə əlaqəlidir.

Amer Sports-un maliyyə direktoru Endryu Peyc hesabatda deyib ki, şirkət sağlamlıq və rifahın önə çıxması ilə “açıq hava” sektorundakı tendensiyadan faydalanacaq.

On Holding üçün yaxşı xəbər odur ki, LightSpray Cloudmonster Hyper ayaqqabısına tələbat artır. Bu model yeni Surreal Superfoam texnologiyasını təqdim edir və istehsal Cənubi Koreyada Busan zavodunda artırılıb. Qaçış seqmentində brend yenilikləri davam etdirir və məhsulları qaçış cəmiyyətləri tərəfindən sevilir.