ABŞ-ın Atina səfiri Yunanıstanda hökuməti dəyişdirə biləcəklərini deyib

Anadolu Ajansı yazır ki, ABŞ-ın Atina səfiri Guilfoyle mart ayında Yunanıstanda keçirilən yeməkdə, Yunan və ABŞ rəsmilərinin iştirak etdiyi müzakirələrdə hökuməti dəyişmək qabiliyyətlərinin olduğunu söyləyib.

Yunanistan Çevrə və Enerji Naziri Stavros Papastavrou səfirin bu fikrinə etiraz edərək, ABŞ-ın xalqın seçdiyi Yunanıstan hökumətini dəyişdirə bilməyəcəyini bildirib.

ABŞ səfirinin vəkilindən verilən açıqlamada, nazirlə səfir arasında müzakirənin belə olmadığı bildirilib.

Yunanıstan müxalifət partiyaları bu iddialara qarşı hökuməti susmaqda günahlandıraraq məsələnin açıq şəkildə araşdırılmasını tələb edib.

Radikal Sol İttifaq Partiyası (SYRIZA) ABŞ səfirinin bəyanatını ciddi sayaraq, Baş nazir Kiryakos Miçotakisdən faktı aydınlaşdırmasını istəyib.

Yeni Sol partiyası hökumətin iddialara 24 saatdır cavab verməməsini və mart ayında baş verən hadisənin niyə dərhal açıqlanmadığını sual edib.

Yunanıstan Kommunist Partiyası (KKE) hökumətin susqunluğunu tənqid edərək, ABŞ-ın Balkanlara mayeləşdirilmiş təbii qazın daşınması siyasəti ilə ABŞ-Yunanıstan strateji əməkdaşlığına etirazını ifadə edib.