Zelenskiy Sumiyə hücumda ölənlərin sayını açıqladı

Anadolu Ajansı yazır ki, Zelenskiy Sumiyə şəhərinin Rusiyanın hədəfi olduğunu açıqlayıb. Hücumda 4 güdümlü bomba şəhərin mərkəzinə və dərslərin aparıldığı məktəb binasına düşüb.

Ukrayna rəhbəri bildirib ki, müəllimlər və məktəb idarəsi sayəsində uşaqlar və müəllimlər sığınacaqlara yerləşdirilib, ümumilikdə 100 nəfər vaxtında təxliyə olunub.

Zelenskiy hadisədə 2 nəfərin öldüyünü, 3-ü uşaq olmaqla 6 nəfərin yaralandığını qeyd edib. O, məktəbin və evlərin hədəf alınmasını terror aktı sayıb və dünya ictimaiyyətini Rusiyaya qarşı münasibət bildirməyə çağırıb.

Eyni zamanda Zelenskiy bildirib ki, ilin sonuna qədər Belçika ilə 3 F-16 döyüş təyyarəsinin verilməsi barədə razılıq əldə olunub. O, Belçika və İspaniya da daxil olmaqla digər ölkələrdən F-16-lar üçün dərhal ehtiyat sursatların gətirilməsini təmin etdiklərini əlavə edib.