Zelenski Trampdan Rus və Çin şirkətlərinə sanksiya tələb edib

Ukrainskaya Pravda yazır ki, Vladimir Zelenski Donald Trampa müraciət edərək "Rassvet" adlı peyk sistemini yaradan rus və Çin şirkətlərinə qarşı sanksiya tətbiq etməyi tələb edib.

Zelenskinin sözlərinə görə, Rusiya Çinlə əməkdaşlıq çərçivəsində Starlink-in analoqu olan bu peyk şəbəkəsinin yaradılmasını sürətləndirib. Rusiya qoşunlarının SpaceX-in Starlink peyk sistemindən hərbi məqsədlərlə istifadə etməyə başlamasından sonra bu iş güclənib.

Ukrayna prezidenti deyib ki, Çin peyklər üzərində çalışır və Rusiyaya Starlink-in analoqunu yaratmaqda yardım edir. O, "Rassvet" sisteminin bu ilin sonu və ya gələn ilin əvvəlində işləməyə başlamasını gözləyir.

Zelenski bir neçə dəfə Trampdan bu sistemlə bağlı təşkilatlara sanksiyalar tətbiq etməyi xahiş edib. Bu məsələ son dəfə BMT Baş Assambleyası çərçivəsində Nyu-Yorkdakı görüşdə müzakirə olunub.

Xatırladaq ki, Almaniya Silahlı Qüvvələri Rusiyanın Starlink-ə alternativ belə bir sistemi yaratmaq niyyətində olduğunu xəbərdarlıq edir.

Bundan başqa, Finlandiya prezidenti Aleksandr Stub SpaceX-in sahibi İlon Maskdan Starlink peyk internetinin Ukraynada əhatə dairəsini genişləndirməyi xahiş edib ki, Ukrayna rus ballistik raketlərinin bazalarını hədəfləyə bilsin.