Zelenski Avropanın Patriot raketləri ilə Ukraynanın qışı keçirməsini söyləyib

Prezident Vladimir Zelenski bildirib ki, Avropanın Patriot sistemləri üçün kifayət qədər raketləri var və bu raketlər Ukraynanın qışı keçirməsinə yardım edə bilər.

Zelenski jurnalistlərlə söhbətində deyib: "Avropalı həmkarlarım hazırda Patriot raketlərinin qış paketi üçün ən azı tələb olunan sayını bilirlər. Dürüst olmaq lazımdır ki, bu paket hər liderdə var. Avropalılar bizi dəstəkləyəcəklərmi? Bəli. Həcmini isə hələ bilmirəm. Bəzi ölkələr barədə məlumatım var.

Avropada PAC-2, PAC-3 raketləri Ukraynanın qışı keçirməsi üçün yetərlidirmi? Bəli, mənim açıqladığım rəqəmlərə əsasən və qış dövrü üçün istədiyimiz miqdarda.

Zelenski əlavə edib ki, avropalılarla birlikdə "Freya" hava hücumundan müdafiə sistemini hazırlamaq niyyətindədir.

"The Washington Post" qəzeti iki ukraynalı rəsmiyə və NATO nümayəndəsinə istinadla yazıb ki, Ukrayna ABŞ-ın Patriot hava hücumundan müdafiə sistemləri üçün raket ehtiyatını tam tükəndirib.

Avropa Komissiyası sədri Ursula fon der Leyen sentyabrda bildirib ki, Aİ Ukrayna ilə birlikdə "Freya" layihəsi əsasında hava hücumundan müdafiə sistemi hazırlamağa çalışır. O, həmçinin ukraynalı şirkətlərlə birgə layihələr üçün yeni proqramın başlanığını açıqlayıb.