Yerli texnologiya ilə heyvandarlıqda sürü planlaması artırılır

Anadolu Ajansı yazır ki, Türkiyədə Sortiva komandası heyvandarlıq təsərrüfatlarında sürü idarəçiliyini yaxşılaşdırmaq üçün spermanın cinsiyyətə görə ayrılması texnologiyası üzərində işləyir.

Məqsəd odur ki, süd məhsulları istehsal edən təsərrüfatlarda dişi buzağının, ət istehsal edənlərdə isə daha yaxşı ət verən erkək buzağının sayı artırılsın.

Biyomedikal mühəndis Sevim Deniz Yaşar bildirir ki, sperma laboratoriyada müxtəlif prosedurlardan keçirilir və cinsiyyətə uyğun olaraq seçilir. Üzərində işlər yekunlaşdıqdan sonra sperma paketlənərək baytar həkimlər üçün sahəyə göndərilir.

Hazırda bu texnologiya 4-5 ölkədə tətbiq olunur və Türkiyə də bu sahədə yerli texnologiyanın inkişafını hədəfləyir.

TEKNOFEST havacılıq, kosmik və texnologiya festivalı çərçivəsində Şanlıurfa GAP Hava Limanında keçirilən tədbirdə Sortiva komandası öz işini təqdim edib.