Yəmən hökumət qüvvələri Təizdə Husi mövqelərini bombaladı

Anadolu Ajansı yazır ki, Yəmən hava qüvvələri Təiz şəhərinin şərqində Mavye və Zikre, eləcə də şəhərin şimalındakı Sittin küçəsində Husi yaraqlılarının mühimmat anbarlarını və hərbi təchizat konvoylarını hədəfə alıb.

Bombardman nəticəsində Husi yaraqlıları arasında ölü və yaralıların olduğu, çoxlu hərbi texnikanın məhv edildiyi bildirilir.

Eş-Şureyce və Heyfan rayonlarının sərhədindəki Suveyda bölgəsində Husi komanda mərkəzinə hava zərbəsi endirilib, burada bir neçə sahə komandanı da daxil olmaqla çox sayda yaraqlının təsirsiz hala gətirildiyi qeyd olunub. Zərbə yerinə təcili yardım maşınları göndərilib və Husi qüvvələri ərazini bağlayıb.

Yəmən hökumət qüvvələrinin tərkibində olan Amalika Qüvvələri Husi yaraqlıların Qırmızı dəniz sahilindən, Babulmendeb boğazı yaxınlığındakı Kehbub Dağı və Mudaraba bölgələrinə doğru hücum cəhdlərini də önləyib. Son iki həftədə Husi milislərinin təkrarən hücumlarına və hərbi yığmağa baxmayaraq, hökumət qüvvələri onların bütün hücumlarını boşa çıxarıb.

Yəmən Baş naziri Şayi ez-Zindani yaralı əsgərləri ziyarət edərkən, hökumətin Husi hücumlarına qarşı varoluşsal mübarizə apardığını bildirib. O, döyüş bölgələrində bütün hərbi və mülki səhiyyə müəssisələrində hazır vəziyyətin artırılması barədə tapşırıq verib.

Husi yaraqlıların hərbi sözçüsü Yahya Seri isə Suudi Ərəbistanın son 24 saatda Təiz, Marib, Saada, Umran, İbb və Hacce vilayətlərində mülki infrastruktur və yolları hədəf alan 27 hava zərbəsi endirdiyini açıqlayıb. Suudi Ərəbistan rəsmilərindən bu barədə hələ rəsmi açıqlama olmayıb.