Vyetnam polisində 12 nəfər pişik oğurluğunda ittiham edilir

NPR World yazır ki, Vyetnamın Ho Şi Min şəhərində polis pişik oğurlayan və ət məqsədilə satan bir neçə nəfərin həbs olunmasına nail olub. Polis şəbəkənin lideri kimi 39 yaşlı Luu Tan Binh-i müəyyən edib.

Luu Tan Binh oğurlanmış pişikləri alır, şəbəkənin təchizatçıları gecə saatlarında motosikletlə məhəllələrdə pişikləri tutmaqla məşğul olurlar. Hər gecə 4-dən 10-a qədər pişik oğurlandıqları bildirilir.

Pişik ətinin istehlakı Vyetnamda əsasən şimal ərazilərdə yaşlı nəsillər arasında yayılıb, amma son illərdə şəhərləşmə və ev heyvanlarına marağın artması ilə bu vərdiş azalıb. Gənc nəsil it və pişikləri sadiq yoldaş kimi qəbul edir.

2024-cü ildə 250 min nəfərdən çox adam it və pişik ətinin satışına qarşı petisiya imzalayıb. Hoi An şəhəri 2021-ci ildə it və pişik ətinin satışını və istehlakını dayandırmaq öhdəliyi götürüb.

Polis 8 iyulda reyd keçirərək 50 pişik və bir neçə tələ tapıb. Şübhəlilər təxminən 2 min 700 pişikin oğurlanıb satıldığını bildiriblər. Pişiklərin 13-ü sahiblərinə qaytarılıb, digərləri isə heyvan hüquqları qruplarına təhvil verilib.

Vyetnam qanununa görə, it və pişiklər xüsusi mülkiyyət sayılır və onları oğurlamaq cinayət sayılır. Dəyəri 2 milyon donqdan ($77) çox olan oğurluq cinayət məsuliyyəti yaradır. İyun ayında keçirilən başqa bir reyddə 400-dən çox pişik azad edilib, onların 40-ı sahiblərinə qaytarılıb, bəzi pişiklər isə buzda tapılıb.