Ukrayna sentyabrda 48 minə yaxın itki verib

TASS yazır ki, Ukrayna Silahlı Qüvvələrinin sentyabr ayındakı itkiləri, həm öldürülən, həm də yaralanan şəxslər daxil olmaqla, təxminən 47 min 885 nəfərə çatıb. Bu, avqust ayı ilə müqayisədə 9 min 240 nəfər çoxdur.

Ən çox itki Donetsk Xalq Respublikası ərazisində qeydə alınıb.

Hərbi ekspert Andrey Maroçko bildirib ki, sentyabrda Rusiya qüvvələri 24 min pilotsuz uçuş aparatını (PUA), 30 pilotsuz üzən vasitəni, 70 dəniz gəmisini, yeddi çoxlu raketli reaktiv sistem döyüş maşınını, 257 sahə artilleriya qurğusunu, 310 tank və digər zirehli döyüş maşınlarını, 154 elektron müharibə və qarşı-artilleriya radar sistemini məhv edib.

Həmçinin 2 min 500-dən çox digər Ukrayna hərbi nəqliyyat vasitəsi məhv edilib.