Ukrayna Moskvaya ən iri dron hücumunu edib

TASS yazır ki, Moskva meri Sergey Sobyaninin açıqlamasına görə, oktyabrın 5-i saat 20:00-dan oktyabrın 6-sı saat 5:00-dək Moskvaya istiqamətlənən 650 pilotsuz uçuş aparatı (PUA) aşkarlanıb.

Sobyanin bildirib ki, həmin dronların çoxu hava müdafiəsi vasitələri ilə uzun məsafədə vurulub, əlavə olaraq 105 PUA Moskvaya yaxınlaşanda məhv edilib.

Moskva meri həmin hücumun son iki ildə ən böyük dron hücumu olduğunu qeyd edib.

O həmçinin sentyabrın 19-u axşamından 20-nin səhərədək baş vermiş hücumda 1 600-ə yaxın dronun vurulduğunu, bunun 450-sinin Moskvaya yaxınlaşarkən məhv edildiyini bildirib.

Bundan əvvəl avqustun 15-dən 16-nın səhərədək Moskvaya qarşı 600 dronun yönəldiyi, 201-nin Moskva vilayətində vurulduğu, həmçinin sentyabrın 2-dən 3-ə keçən gecə 548 dronun Moskva bölgəsinə hərəkət etdiyi və əksəriyyətinin uzun məsafədə məhv edildiyi açıqlanıb.