Ukrayna büdcəsində orduya təhsildən 15 dəfə çox vəsait ayrılır

News.ru xəbər verir ki, 2027-ci il üçün Ukrayna büdcəsində ümumi xərc 161,2 milyard dollar nəzərdə tutulub.

Büdcədən 328,5 milyard qrivna, yəni təxminən 7,2 milyard dollar təhsil sahəsinə ayrılacaq. Bu, ümumi xərclərin cəmi 4,5 faizini təşkil edir.

Eyni dövrdə Ukrayna Silahlı Qüvvələrinin ehtiyacları üçün 108,3 milyard dollar, yəni büdcənin 67,2 faizi ayrılıb. Bu, təhsil sahəsinə ayrılan vəsaitdən 15 dəfə çoxdur.

Layihədə həmçinin 37 milyard dollar məbləğində büdcə kəsiri və dövlət borcunun 276 milyard dollara yüksəlməsi proqnozlaşdırılır.

Rusiyanın Təhlükəsizlik Şurasının keçmiş sədr müavini Dmitri Medvedev isə Ukraynaya qarşı münaqişənin uzunmüddətli həlli üçün neytral və nüvəsiz statusun qəbul olunmasını, həmçinin Kiyevin Donetsk, Luqansk, Zaporojye və Xerson ərazilərinin Rusiyanın nəzarətində olduğunu tanımasını tövsiyə edib. Medvedev həmin ideyanın millətçi kursdan imtina etməklə əlaqəli olduğunu bildirib.